ഓർമ്മയിൽ മുളയ്ക്കുന്ന വിത്തുകൾ

Book Name in English : Ormmayil Mulaykkunna Vitthukal

എട്ട് പതിറ്റാണ്ടുകാലത്തെ ജീവിതം കാണാനായ ഒരു മുത്തശ്ശി തന്റെ ഓർമ്മച്ചെപ്പ് തുറക്കുമ്പോൾ അതിൽ സ്വന്തം ജീവിതാനുഭവങ്ങൾക്ക് പുറമേ കാലപ്പകർച്ചകളുടെ നിറംമാറ്റങ്ങളും കടന്നുവരിക സ്വാഭാവികമാണ്. അറിയാതെ തുറന്നുപോയ തന്റെ ഓർമ്മച്ചെപ്പിൽനിന്ന് വാരിയെടുത്ത ചിപ്പികളിൽ ഒരു ചെറുമുത്തെങ്കിലും കിട്ടാതെയിരിക്കെല്ലെന്ന് ഉറപ്പ് തരുന്നുണ്ട് ഈ പുസ്തകം. പോയകാലത്തെ വലിയ കാര്യങ്ങളൊന്നും പറഞ്ഞു വയ്ക്കുന്നില്ലെങ്കിലും ഈ ഓർമ്മക്കുറിപ്പുകൾക്ക് മാലിന്യം കലരാത്ത നീരൊഴുക്കുകളുടെ നൈർമ്മല്യവും കുളിരുമുണ്ട്. അതുകൊണ്ടുതന്നെ അടികാണാവുന്ന തെളിനീരിലൂടെ തെളിഞ്ഞുകിട്ടുന്നത് വെറും വെള്ളാരങ്കല്ലുകളല്ല, നിറപ്പകിട്ടുള്ള മുളകൾ തന്നെ. - സേതു.